دليل مراكز التكلفة

دليل مراكز التكلفة

يعنى ايه مراكز تكلفه؟ وهل هتختلف من شركة للتانية او من نشاط لأخر؟ هل فى طريقة مثاليه لتكويد وإنشاء دليل مراكز التكلفة لاى شركة؟ وهل الطرق دى ممكن تختلف لو كنت بتستخدم برنامج افاقي المحاسبي المتكامل ERP فى شركتك؟ من خلال المقال ده هنتعرف على مفهوم مراكز التكلفه من منظور مالى وليس من منظور تكاليفى او تصنيعى، ودا زى ما بيتم تطبيقه فى الواقع العملى للشركات بمختلف أنشطتها تعمل علي نظام افاقي المحاسبي المتكامل ERP وكمان هنستعرض مع بعض مجموعه مهمه من التقارير اللى بتغطى مراكز التكلفة بشكل كامل . الاول خلينا نعرف يعنى ايه مراكز تكلفة وليه بعملها كدليل شجرى؟ مراكز التكلفه عباره عن وحدة أعمال " او وحده اقتصاديه" business unit، بجمع عليها مجموعة معينه من عناصر التكاليف، عشان فى النهاية أقدر أعرف هى الوحدة دى كلفتنى اد ايه، وبصممها فى شكل دليل لانه من الافضل انها تكون فى شكل مراكز تكلفة رئيسيه وفرعيه عشان بعد كدا يكون فى تفاصيل أكتر فى التقارير المتعلقة بمراكز التكلفة؛ وهانشوف عليها أمثله فى الفقره الجايه. أمثله على مراكز التكلفة - ممكن نعتبر كل قسم من أقسام الشركة بمثابة مركز تكلفة مستقل، الهدف منه انى اقدر اعرف تكلفة كل قسم من أقسام الشركة اد ايه من عناصر المصروفات او التكاليف.يعنى على سبيل المثال أقدر أعرف قسم الIT داخل الشركة مكلفنى أد ايه أجور ومكلفنى أد ايه انتقالات ومكلفنى اد ايه مكافات وحوافز، وبكدا وبسهوله جدا أقدر احدد جدوى وجود القسم ده داخل الشركة من عدمة. - من أشهر الأمثله على مراكز التكلفة هو المشروعات المختلفه اللى بتنفذها الشركه " وخصوصا لو كانت شركة مقاولات" عندها مشروعات كتير وممتده على مدى أكتر من سنه ماليه، وطبيعة النشاط ده بيستلزم انه يكون فى معلومات سريعه وحاضره عن تكاليف كل مشروع اد ايه من المواد والخامات والمصنعيات وغيرها من عناصر التكاليف المختلفه، ومش بس كدا انا كمحاسب داخل شركات المقاولات احتاج اعرف ايرادات مستخلصات كل مشروع قد ايه من المشروعات المختلفه اللى الشركه بتنفذها. - ممكن نعتبر أصول الشركه بمثابة مراكز تكلفة وخاصة السيارات ومعدات الإنتاج، هتفرق معاك جدا لو عندك معلومة جاهزه عن ان كل سيارة من سيارات الشركة مكلفاك قد ايه من الصيانه والزيوت والشحوم والمحروقات وغيرها من التكاليف، واللى فى النهاية بتدينى معلومة مهمه جدا بخصوص جدوى وجود السيارة دى او المعدة دى داخل الشركة ولا الأحسن انه يتم استئجارها من الخارج ومن مميزات دليل مراكز التكلفة فى نظام افاقى المحاسبى المتكامل ERP انه دليل مرن ومفتوح المستويات حيث يوفر عدد لا محدود من مراكز التكلفة وعدد لا محدود من مستويات مراكز التكلفة ومن اهم التقارير الخاصة بمراكز التكلفة فى نظام افاقى المحاسبى المتكامل ERP 1- تقرير بمعاملات مراكز التكلفة 2- تقرير بمستويات مراكز التكلفة 3- تقرير بحسابات مراكز التكلفة ......ألخ

1:05 م